Wednesday, 10 December 2014

tussen die kriek en die stilte

~ English translation at the bottom ~

ek soek daai element

dit is nie klip
dit is nie water
dit is nie lug
dit is nie aarde
dit is nie vuur
dit is nie mineraal
dit is nie plant
dit is nie metaal

dit vloei nie
dit lê nie
dit groei nie
dit brand nie
tog is dit daar

daai iets wat die donker woud op
‘n windlose volmaan-nag
net so perfek aanmekaar hou
daar waarin die insekte en voëls
die oorlewing-sparteling vir
‘n wyle
laat vaar
en
stil
word

dit lyk asof al die ander elemente
lewe vir hierdie een element
die element wat eenvoudig net hang
dik en ryk
in
die
lug

ja dit is ‘n hang-gevoel
so ‘n lywige sensasie  in die neusgate
wat die asemteug eindeloos laat strek
tot in die einder van die longe

hierdie element is waaragtig ‘n noodsaaklikheid

dit is aanwesig in
al die ander elemente
die element wat daai voilà-oomblik laat vonk
en drome lewendige gestalte gee
die element wat met ‘n waardige stilte
die frekwensies
in
sferiese harmonieë
laat voortplant

dit is die gom tussen
organika en habitat

daai iets tussen die kriek en die stilte

dit is die heenkome vir verdwaling
dit is die lig wat bly hang in die oog
al het die donker gedaal
en die ooglede toegeval

mens vang nie hierdie element vas nie
dit sal jou ontwyk as jy nie aandag gee nie
en tog as jy eers in dit gestaan en
dit gevoel het lek aan jou verhemelte
het dit jou siel verewig gemerk

dit is die element wat die oer-oorsaak is
van rusteloosheid
jy wil dit vashou en vasklou
jy blameer dit – regverdiglik – vir jou geluk

jou binnenste weet dat
dit die wortel
van
ongeëwenaarde saligheid is en
jou hele lewe lank
sal jy daarna honger

between the cricket and the silence

i am searching for that element

it is not stone
it is not water
it is not air
it is not earth
it is not fire
it is not mineral
it is not plant
it is not metal

it does not flow
it does not lie down
it does not grow
it does not burn
yet it is there

that something that holds together
the dark forest on
a windless full-moon-night
there wherein the insects and birds
let go of
the survival-bustle for
a while
and
become
silent

it seems that all the other elements
live for this one element
the element that simply hangs
thick and rich
in
the
air

yes it is a hanging feeling
such a full-bodied sensation in the nostrils
that endlessly stretches the breath
to the furthest ends of the lungs

this element is veraciously a necessity

it is present in
all the other elements
that element that sparks that voilà moment
and gives dreams living embodiment
the element that
in great silence
breeds
the frequencies
in spherical harmonies

it is the glue between
organica and habitat

that something between the cricket and silence

it is the sanctuary for lostness
it is light that stays hanging in the eye
long after the darkness has descended
and the eyelids have closed

one does not capture this element
it will elude you if you don’t pay attention
and yet once you have stood in it and
felt it licking on your palate
it has marked your soul forever

it is the element that is the root cause
of restlessness
you want to hold and cling onto it
you blame it – rightfully – for your happiness

your innards know that
it is the source
of
unequaled beatitude and
your whole life
you will
hunger for it

Tuesday, 9 December 2014

net perfek

diep asemhaal 
met die gladde aanraking 
van pen op papier
die sus en soelheid 
van die skrywersoomblik
kondisies net perfek
temperatuur onverbeterlik
vreedsaamheid in die kol
fokus sekuur
en oog-knip ondesperaat

diep asemhaal
tot in my tone
en tot op die skiereiland 
van my boude
voel die wonderskone lewe 
deur elke sel trek
dit is tot in die kop en hart 
van verbeelding wat ek moet asemhaal
tot daar waar elke suurstofsel 
omskep word 
in 
skouspelagtige technicoloured dreamcoats

Thursday, 4 December 2014

kieslowski

sluk die sleutel van jou eie gevangeneskap
i want to be equal
but also want to get equal

                                                                vrou in skadu van hartseer
ek hoor die sluk van haar slukpyp

          kyk na haar
hartseer
deur
‘n
vergrootglas

                                                                to define destiny is vanity

Wednesday, 3 December 2014

gebrande kekerertjies

en in die oggend is sy vroeg uit die bed
om haar van haar woelige kop te red
gaan sit sy op haar laptop en tik ‘n gedig
om haar energie op iets konstruktiefs te rig

jy sien, al bly ‘n mens op die platteland
wil mens gedurig dinge gelyktertyd doen
dink mos multi-tasking is goed vir die verstand
en sal aandag en afleiding met mekaar versoen

so wil sy kekerertjies kook terwyl sy dig
al weet sy haar aandag sal dalk onder die druk mag swig
nietemin, sy is goed op dreef
glo vas sy sal die digkuns en kekertjies aanmekaar kan weef

dit is wonderlik hoe sy aanvanklik elke hoeveel minute opstaan
om die kookpot te bly vul met water uit die kraan
die hoop is hoog, die uitsig is blink
terwyl sy aan erte én gedigte bly dink

maar wee o wee, dit was nie bedoel
dat die oggend uitdraai soos ‘n gladde stil poel
sy het paar minute te lank bly skryf
en die erte in vergetelheid laat dryf

al wat haar uit haar dommel kon pluk
is die stank van ‘n pot wat brand
word sy summier uit haar multi-tasking trots geruk
wie kon raai haar gemoedere sou so in die swart rook beland?!

gooi die vensters oop! brand die wierook!
niemand mag weet watter brand sy’t gestook
gryp die skuurwol en skrop en skuur
sy is net te bly die erte het nie ontaard in ‘n helse vuur!