die opwinding om
in die pre-skepping-fase te wees
daar waar die skugter metafoor
liggies aan my oogwimpers lek
die hart versnel soos
op die voor-aand van 'n groot avontuur
ek noem dit 'n wit opwinding
waar eindelose moontlikhede
op die tabula rasa lê
'n ongeëwenaarde chemistry tussen my en die verwagtende oomblik
hierdie hang oor die tuimelende klowe van kreatiwiteit
kan dit nie langer hang voor verwesenliking intree?
hoe bewonderingswaardig die realisasie van 'n digterlike droom deur
magiese metaforisasie ookal mag wees
is dit die antisipasie van
poëtiese manifestasie wat
die groter aantrekkingskrag het
my hart vergroot
ek staan op die punte van my tone gereed
om die uitspansel van
al die digterlike moontlikhede
in my hele borskas in te asem
No comments:
Post a Comment