ek het 'n visioen gehad van
'n gedig oor die lug
die wonder-medium waardeur
ons beweeg en asemhaal
in ruil vir die geskenk van lug
sal ek 'n gedig daarin plant
met tong, lip en tand
stoot ek die metafoor uit my brein
en plant dit reg hier tussen
die paar suurstofselle
wanneer mense hier gaan verby loop
sal hulle onbewus die metafoor inasem
hulle longe sal nie weet
wat hulle getref het nie!
No comments:
Post a Comment