ek wil die styl van
my digterlike uitdrukking
verander
is dit moontlik?
dit is moontlik ja
herformuleer die wyse hoe
jou gedagtes uit die tonnel syfer
probeer nuwe taktieke
en slinkse kat-maneuvers
verras jou pen
laat hom dink jy lei hom
na die punt wat
hy verwag jy hom heen gaan lei
en dan
skielik
verander rigting
sodat die pen nie 'n idee het
hoe jy hom so vinnig uit
die groef gelig het nie
No comments:
Post a Comment