I
wanneer ek eendag doodgaan
wil ek hê my lyk
moet op die oop veld lê
hoekom moet my liggaam veras of begrawe
word?
dit is mý lyf
en al gaan sy dood
kan niks of niemand my ekheid van haar
wegvat nie
hoekom wil mense so gou van lyke ontslae
raak?
los my lyk ver van mense se aanskou
laat ek in die hittige son van Afrika
disintegreer en in my eie tyd
een word met die grond
II
as iemand op my beendere afkom
vat dit en string dit op in
‘n marionet waarmee kinders en grootmense
na hartelus kan speel
want selfs in die dood
wil ek nie ophou dans
No comments:
Post a Comment