'n oer-dreuning in
my bewussyn
wanneer my kop nie daar en oral is nie
maar reg hier
diep-gegrond en wakker
dan sien en voel ek
die ganse kwiksilwerende
swier van bestaan
my bewussyn dreun saam met
die polserende resonansie
van die woude en oseane
ek verbeel my kleine binne-ritmes
sinkroniseer vir 'n oomblik met
die grootse buite ritmes
my lyf en verstand juig
in 'n stille vreedsaamheid oor
hierdie vlietende samevloeiing
Tsitsikamma, Suid-Kaap
No comments:
Post a Comment