Die soen

ek kan niks anders vind wat beter is as

die soen van jou mond teen myne

met die soen word

ons monde en koppe een

ons weet nie watter lippe watter tong watter tande

is myne

en

watter is joune

om jou te soen is om 'n woudpad voor my

te sien oopbreek in die skemer van die dag

om jou te soen is 'n verrukking wat my hele lyf omswaai

en in 'n heel nuwe wentelbaan gooi

om jou te soen is om myself te verdrink in die kelk van 'n papawer

ek voel die lente deur jou lippe breek

dit proe na koel-soet dou in die vroeë oggendure

jou soen wat liefde so eindeloos spreek dat dit

my hart bont-vol laat staan van oorvloed

ek kom soek my asem

ek kom soek my asem op hierdie papier

ek kom delf vir 'n bietjie vrede vir my hart

uit  in die oopte verloor ek my bedaardheid

met enige wenteling van die oomblik

ek verloor kop

ek snak na my asem

my keel trek op 'n knop

al wat ek weet

is dat as ek kom skryf

raak dit stil in my

as ek sin maak op papier

dan begin dinge sin maak om my

eenvoud-dig

ek wil net slaap

maar hier staan ek

met my uil pantoffels

voor die laptop en

maak sin van die

punt blare wat wieg

in die wind die

hoenderhaan kraai die duif

tortel ek sug en die

rooi kar sny deur

die grondpad en groen

weivelde dit trek my

oog na die bottelborsel

wat net so lekker

aan't wieg is en

ek raak op my

voete aan die slaap

ek moet net nog

een keer kyk na

wat daar so graag

gesien wil word my

oё raak weg in die

jasmyn en die plantasies

en my ore word

ge-abba deur krieke ek

hoor die vlieg agter

tralies ek maak die

venster oop

hy vlieg buitentoe

en laat my

alleen

hier binne agter

First drop

For Kim

Your love
is like that moment
that
first
drop
of
water
breaks through the parched earth

-

You are the beauty of the earth
I want to enshroud you
like
slippery moss

-