Showing posts with label sculpture. Show all posts
Showing posts with label sculpture. Show all posts

Monday, 16 July 2012

Gode van die Vurige Vrees


photographer David Cushing

photographer Gilles Chevalier
A very striking and memorable art installation at this year's AfrikaBurn Festival, The Fear Gods by artists Kim Goodwin & Elisabeth Balcomb inspired me to write this Afrikaans poem>

gode van die vurige vrees

die gode loop angstig al om my enkels
wag vir net die regte tyd om hulle tande in te sink
soos wilde oerdiere wag hulle met die aarde se tyd
lank groei hulle ledemate met hierdie wag
en nog langer groei hulle lus met elke nag
die gode loop onverskrokke oor die aarde
kyk nie links of regs
loop ongedeerd deur die lug en oor die klippe
hulle rugstringe buig met die wind
hulle knieë knak met die stof-blitse
hulle oë styg en sak met die son
nooit sal jy hulle uit die oog kan verloor
soos vrees sit hulle om jou keel
herinner jou aan die rigting waarheen jy moet trap
soontoe, soontoe

van daardie middag toe die gode oor my pad stap
was niks anders dieselfde daarna
met skouers, arms, borste, boude en bene
het die landskap gegil van
dierlikheid
'n wilde dierlikheid
gefokus, stil, onstuitbaar
is hulle voete-pas vasgenael in die grond
met soveel oortuiging is hulle god
is hulle dier
is hulle mens

uit hulle oogholtes broei die donker wolke
kolk die lug in een heilspellende inkarnasie
wat god-weet enige oomblik los kan skeur
maar staan, staan hulle in die oog van die storm
vlug nie, lag nie,
geen histerie
net 'n kreun wat saggies deur die linker bo-been breek
staan, staan hulle
op die vlaktes
die gode van die Vurige Vrees –
julle hou die lug,
die hart 
en die aarde
wakker!

The Burn of the Fear Gods
photographer Ed Franc Loverock Babb

Thursday, 23 June 2011

Direction of Fish / Rigting van Vis


In March this year I was part of a colloborative exhibition/show in Parktown, Jhb. The fellow artist was sculptor Coenie Strydom. He assembled 18 of his ceramic and cement sculptures for which I wrote 18 complementing poems. Here are two of the pieces >


rigting van vis I

vis-kop-en-vin wys die rigting aan
waar ons heen moet gaan:
na die water-katedrale
waar ongehoorde liedere
deur wier en alg breek
en die water-hamonieё
my lyf be-vin
en my ge-aard-heid
distilleer tot
hierdie nuwe
vis-bestaan
-
direction of fish I

head and fin of fish show the direction
in which we must go:
to the water cathedrals
where unheard songs
break through moss and kelp
and the harmonies of water
re-fin my body
and distil
my being into
this new
fish existence



rigting van vis II

soos katedrale-klanke
klink die see deur die holtes
van die skeletale oorblyfsel van
vis
roep sy oogholtes hunkerend
na die nat glimmer vinne
wat eens die soet smaak van die getye 
geproe het
-
direction of fish II
the sea sounds like cathedral timbres
through the cavities
of the skeletal remnants of
fish
the hollow of his eyes calls longingly
to the wet glimmer fins
that once tasted the sweetness
of the speed of tides