Showing posts with label rym. Show all posts
Showing posts with label rym. Show all posts

Tuesday, 22 August 2023

'n klein vlokkie van 'n gedig

ongestoord dig ek voort met die woord wat 
rym met die soort akkoord wat
my neem na die toevlugsoord van behoort
sodat die lewenspoort kan uitswel
soos 'n digte vrugteboord 

dignoord en vlokvoort!

Thursday, 2 June 2022

dig voort!

in my woord 
soek ek dikwels 
'n mooi akkoord
daai klinkende soort 
wat in die oor hoort
en omskep word 
in 'n rype vrugteboord 
en onverstoord 
enige gedagte van self-moord
wegwys na die poort 
van die vakansie-oord

bind die woord 
al singend om  
my stem-koord
en dig voort!

Tuesday, 3 March 2020

wieggedig

sil-la-bes
een-twee-drie
glip-glip-glip
jou o-re
weg na die
ver-weg-se
sus-se-ling
een-twee-drie
drup-drup-drup
een-vir-een
deur my pen
let-ter-tjies
slaap nou gou
los nou die
kop-pie uit
sy wil net
doe-doe-doe
draai nou weg
let-ter-tjies
kom weer 'n
an-der dag
sa-li-ge
droom-lan-dy
wil ons nou
bin-ne gly
o wat-ter
lek-ker-te
voel ek nou
met hier-die
dak-tie-le
wat met my 
tong af-gly!

Sunday, 7 July 2019

soen-net

my pen word gevang deur die soen-net                                
veertien lyne geweef en gerym met feestelike pret            
drie kwatryne om jou toe te spin met soene                        
kom trick or treat, dit is beter as halloween se pampoene  

met honderd-vier-en-dertig soene wil hierdie soen-net jou troetel   
ontspan en hou op om aan jou bo-lip te vroetel                   
maak toe jou oë en sink in die beswyming                           
jou lippe sal begin tril met die beryming                              

gee jouself oor aan die soen-net se verleidingspel               
die hoendervleis gaan dartel al langs jou tong en vel          
drink diep uit elke soen se digterlike fontein                        
en so sal ‘n geluksaligheid in jou oorsoende kieste verskyn 

nou is dit net die koeplet wat oor is om jou koebaai te kus  
met haar twee rymende lippies sal sy jou nou aan die soete slaap sus       

Saturday, 29 September 2018

groei en rym

in my moegster moegte sal ek 'n gedig skryf
al moet my kop in semi-droomland begin dryf
dis mos 'n kans om in wakker én slaap die fokus te behou
en die skoonheid van die oomblik met 'n pen in die hand te aanskou

mag die kunstenaar nooit sê "ek hardloop uit tyd"
ag nee man, dit is geen woorde van jolyt!
as digter moet jy verse kan maak uit die sekondes van die klok
daar is regtig geen ding wat jou kreatiwiteit sal kan inhok

verbrand die grense in jou kop! breek die slotte oop!
dit is nou die tyd om jou wese tot ongegrendelde essensie te stroop
staan op en swaai jou arms hoog en ver
jou verse sal groei en rym tot die blinkste ster

Tuesday, 25 September 2018

pluk die ryme soos appeliefies


pluk die ryme soos appeliefies uit die bos
ryg hulle soos sonskynige sonne deur die papier
laat die verse stadig en groen groei soos mos
wat jy oor jou honger tong kan gooi nes 'n karos

dit is 'n moerse vertroeteling vir woorde om so mooi te lê
met die berusting dat niemand hulle ooit sal kan ontsê
waaragtig! 'n gedig sal jy nooit kan ontskryf
soos 'n gretige bloeisel kom lê sy in jou lyf

so, bly die ryme pluk soos appeliefies uit die bos
sonder om 'n voet te lig sal die verse jou van engte verlos

Monday, 13 November 2017

kalkulasie

Kyk of jy die volgende kan beraam:
tel al die vokale saam
vermenigvuldig dit met die som totaal van die konsonante
(jy mag nota’s maak op die kante)

Tel die lettergrepe saam, bereken dan die vierkantkwadraat
(Jy moet mooi beraam en geen stap uitlaat)
Maal bogenoemde met die totaal eksplosiewe van elke woord
Dis ‘n som van ‘n ander soort

Bereken die proporsionele verhouding tussen werkwoord en punt
Jy sal gou die sin en rede vind
Deel dit met die wortel van elke dubbelsinnigheid
Woord en getal lê nou oral verspreid

Maal die omtrek van die metafoor
Met die diepte van die sin
Moenie jou som tot-taal verloor
Anders moet jy van voor begin

Bereken die spoed van die rym
Jagend deur elke lyn
En plus dit by die radius van my oë
‘n Moerse getal, kan jy glo!

Thursday, 7 September 2017

Die digter is nie dood nie*

dankie Ingrid

Die digter is nie dood nie
die digter lig haar tong teen haar spoke
wat Twyfel huil huil die keel van afguns en nyd
in die kwatryne van die onsekerheid
Die digter lig haar tong teen haar verlede
in die parade van harlekyne en maskers
wat Twyfel huil huil die keel van onmin en verdriet
in die koeplet van haar kwesbaarheid

...

*gedig in wording

Thursday, 7 November 2013

kalkulasie

Ek her-besoek dikwels my ouer gedigte en vind dit interessant hoe dit my maak voel. Dikwels kry ek skaam vir die naïwiteit en ongekunsteldheid van hierdie vroeër werke. Tog is daar 'n paar wat my nogsteeds diep laat glimlag, soos hierdie een, so agt jaar terug geskryf:

Kalkulasie

Kyk of jy die volgende kan beraam:
tel al die vokale saam
vermenigvuldig dit met die som totaal van die konsonante
(jy mag nota’s maak op die kante)

Tel die lettergrepe saam, bereken dan die vierkantkwadraat
(Jy moet mooi beraam en geen stap uitlaat)
Maal bogenoemde met die totaal eksplosiewe van elke woord
Dis ‘n som van ‘n ander soort

Bereken die proporsionele verhouding tussen werkwoord en punt
Jy sal gou die sin en rede vind
Deel dit met die wortel van elke dubbelsinnigheid
Woord en getal lê nou oral verspreid

Maal die omtrek van die metafoor
Met die diepte van die sin
Moenie jou som tot-taal verloor
Anders moet jy van voor begin

Bereken die spoed van die rym
Jagend deur elke lyn
En plus dit by die radius van my oë
‘n Moerse getal, kan jy glo!

Wednesday, 3 July 2013

o gaats, ons digter het skrywersblok!

sy het by al die blaaie in die woordeboek gebedel
opsoek na daardie ontwykende woord
kruip dit weg in die donkerste hoek van haar skedel?
o fok, dit maak haar verboureerd en o so verstoord!

sy soek hier, sy soek daar, onder en bo, agter en voor
sy't nooit gedink dat sy haar sinne op hierdie manier sou verloor!
haar asem is vlak, haar voorkop die sweet
en haar hart het 'n paniekerige polsslag beet

wat moet sy doen om die woorde te wen?
verseker nie met die grandste bôlpoint pen
wat moet sy maak om die letters te oortuig
dat sy nou moeg is om voor hulle neer te buig?

is daar iewers 'n geheime resep wat haar kan vertel
hoe sy dit eenvoudig in woorde kan stel?
sy smeek dat die muses haar sal aanhoor
en hierdie aaklige lyding weg sal toor!

Friday, 23 March 2012

die djellie-trip


My pa, Louis skrik nie vir kook, bak en brou nie. Hy is passievol oor proe en eet en smul. En natuurlik probeer hy dikwels nuwe resepte uit! As ek vir hom vra, kan ons dit of dat byvoeg dan sal hy antwoord: "Moer by!"  Een gereg - komkommer jellie - het hy my eendag oortuig om saam met hom te maak ...

die resep maak my lag, die uie maak my tjank
aaarrrrgh, die geraspe van die iengliesh q'cumber vat te lank!
die suurlemoen spat in my oog
o god, dis alles 'n toets vir my kook-geloof.


fok dit! ek gryp die sitroensuur
plug die electric grater in,
sit my sonbril op
 - vir wat sal 'n komkommer,  su'lemoen en ui
my dan nou so onder kry?


ek klits met 'n nuwe lus
niks gaan nou my vuur blus!
dis net poeier van gelatien waar jy kyk,
heuning wat blink tenie mure en oppie lippe pryk.


toe, toe!! paas die dagga en die dill
dis nie nou die tyd om vir groen te gril!
(wat se^ Louix: sommer moerbye ook -
dit sal als die lus bly stook)


hokaai nou! moenie te veel proe en lek!
laat die djellie eers ordentlik stol en set.
binnekrt sal ons die tonge indip
en ons smaakkliere en ingewandes heen vat op die djellie-trip!

Saturday, 26 November 2011

mag ek...

die gedig van e.e. cummings may i feel said he het in my kop gespring toe my ouers 'n woordwisseling gehad het. hier is my vrye verwerking van die toneel (EN die cummings gedig):

kan jy 'n klim-raam vir
my grenadilla-plant maak sê sy
verseker sê hy
is jy seker? sê sy

o ja sê hy
jy is 'n skat sê sy
sê net hoe groot sê hy
so breed en so hoog sê sy

nou maar toe sê hy
dit lyk nie onmoontlik nie
haai dit maak my hart so bly sê sy
niemand anders kan dit doen soos jy

nee! wat maak jy nou? sê sy
ek pas die kalkulasies so bietjie aan sê hy
maar dis nie hoe ek dit wou he sê sy
hou jou bek sê hy

my grenadilla gaan skeef groei sê sy
moenie so stres sê hy
ek gaan iemand anders se hulp kry sê sy
jy waag dit nie sê hy

nou dan doen wat ek sê sê sy
gaan vlieg in jou moer sê hy
ek gaan jou nooit weer vra sê sy
nou maar toe, ek loop nou maar sê hy

ag nee, kom terug sê sy
maar dan los my uit sê hy
onthou so hoog en so breed sê sy
ek gaan die grenadilla se nek omdraai sê hy

try dit net, en ek draai JOU nek om sê sy

die oorspronklike gedig van e.e. cummings:

may i feel said he


may i feel said he
(i'll squeal said she
just once said he)
it's fun said she

(may i touch said he
how much said she
a lot said he)
why not said she

(let's go said he
not too far said she
what's too far said he
where you are said she)

may i stay said he
(which way said she
like this said he
if you kiss said she

may i move said he
is it love said she)
if you're willing said he
(but you're killing said she

but it's life said he
but your wife said she
now said he)
ow said she

(tiptop said he
don't stop said she
oh no said he)
go slow said she

(cccome? said he
ummm said she)
you're divine! said he
(you are Mine said she)