Showing posts with label stem. Show all posts
Showing posts with label stem. Show all posts

Saturday, 6 December 2025

die goue draad

griffel maak my inkeer tot myself
iets verhelder
iets word gestroop
iets word stadiger
iets word ritmies
iets haal asem
iets fokus

iets kry betekenis

hoe kan ek huiwer met 
'n potlood in die hand?

soveel goeie effekte wanneer ek skryf

skryf maak my asem
skryf maak my binne-oog oper
skryf maak sin
skryf verdryf die stemme wat my nie dien nie

skryf is die goue draad
wat ek opgetel het toe ek as kleintjie
my eerste letter op papier gevorm het
en tot vandag toe nog in my hande dra
met elke woord wat ek borduur op papier
skryf is blompotte en tuin natmaak
skryf is 'n warm watersak
skryf is 'n sussende wiegie
skryf is soos piepie - verligting
na 'n lang knyp
skryf integreer
skryf is delf
skryf is vastrap 
skryf  is oes
skryf is sif
skryf is hardop droom in ink
skryf is wakkerword en opstaan
skryf is aanpassing en teenstand
skryf is onhutsend en hygge
skryf is die lekkerste ding om te doen 
in my bed voor ek aan die slaap raak
skryf is luister
skryf is vormgee
skryf is vertering
vertedering
beredenering

skryf is 'n brug na die ander kant

skryf is uitstraling
skryf is lewe

Monday, 23 December 2024

ek hoop ek is

'n heenkome vir jou hunkering
'n oor vir jou mond
'n versadging vir jou honger
'n tekstuur vir jou vingers
'n wilde aroma vir jou neus
'n vlinder vir jou maag
'n klankbaan vir jou stem
'n mond vir jou soen
'n troos vir jou pyn
'n lag vir jou grappe
'n water vir jou dors
'n diepte vir jou soeke
'n spieël vir jou kyk
'n afstand vir jou verlange
'n nabyheid vir jou smagting
en
'n omhelsing vir jou hele jy-wees

Monday, 4 September 2023

moenie verlei word

hoe kan jy jou vertroue in 

chatgpt sit vir kreatiewe antwoorde?! 

hy weet en sif en vergelyk

en klink wonderbaarlik slim agter 

al daai regurgitasie

maar wat voel hy?!

hoe ken hy werklik die gevoel van

pyn 

ongemak 

vergeetagtigheid

vrees 

frustrasie

verlange

ongeduld

gretigheid

tydsbeperking

angstigheid

senuweeagtigheid 

oudword 

mortaliteit

alles gevoelens wat vroedvroue is vir kunswerke 


ons moet ons onhandigheid

ons onvermoë

ons honger vir vervulling

ons ongedurigheid

ons spelfoute

ons digterlike lompheid

ons onhelderheid

ons dubbelsinnigheid

ons weersprekendheid

ons deurmekaarheid

ons duiseligheid

ons oorweldiging

ons dull and uninformed moments

ons twyfeling

ons onvertroue in onsself

helder en onbeskaamd in ons warmvellige menslikheid uitbasuin


moenie verlei word deur die siel-en sintuiglose chatgpt nie

sit sommer jou spellcheck af

deactivate text prediction

uninstall alle sosiale apps

stuur google in sy moer

fok al die influencers

dit is nou die tyd om na jou eie stem te luister

zoom in op jou eie insigte en hartkamers

dit is nou die tyd om jou warmsellige brein ten volle te omhels

 en jou onweerstaanbare wilsmoedigheid

wild en wyd oor die aardbol te laat wortelskiet


Thursday, 1 September 2022

laat ons terugkeer hiernatoe

met die arrivering van die nuwe seisoen
staan ek gereed met vlamme wat warm oor my skeen flits
ek sien ver voor uit in
die onvreedsaamheid van die wêreld
as ek sou bid dan is dit nou
want iets skort in die lewe
die harmonie van saamleef en skep
en mekaar die vryheid van grond en atmosfeer gun

in die uithoeke van ons bestaan sal daar
nog humor moet vasklou om ons siele te red
want as ons eers ons waardigheid verloor het met
die uitwissing van liefde en vrede
gaan ons nie veel hê om aan vas te hou

laat die basuinende klanke van visionêre stemme diep in
die holtes van ons ore vibreer – helder stemme wat
ons uit ons hibernasie sal pluk
en ons bloed die rigting sal wys
en asseblief, herinner ons om te skep in plek van ruineer
en dat dit ook okay is
om te observeer eerder as om te reageer

leef met oop gemoedere en juig uitbundig oor
al die passievolle mooi wat
pols en groei uit hande en monde
laat ons nooit ophou leer
laat ons bly kyk na die groei van
die sade in en om ons
laat ons sonder voorbehoud wortel en blaar spruit
wat van lig en son
skadu en vorm sal maak

laat ons terugkeer hiernatoe:
die eenvoud van skep
laat vaar die kompleksiteite en hoogdrawendhede
stroop die skeppingsdaad tot iets
so vaartbelyn en ongerep
dat ‘n enkele resonans die iris van die hartsoog
sal laat oopblom en tot verligting ruk

Thursday, 2 June 2022

dig voort!

in my woord 
soek ek dikwels 
'n mooi akkoord
daai klinkende soort 
wat in die oor hoort
en omskep word 
in 'n rype vrugteboord 
en onverstoord 
enige gedagte van self-moord
wegwys na die poort 
van die vakansie-oord

bind die woord 
al singend om  
my stem-koord
en dig voort!

Saturday, 14 May 2022

praat nie in metafore

die stem in die binnekamers van my siel
praat nie in metafore
metafore is oordrewe leuens
opgetofde leuens
skouspelagtige leuens
my ore hoef nie in ompaaie te luister nie

ontsluit my stywe kakebeen
ontkoppel my tong
my oordromme is gereed
om deur die onopgesmutkte di di di
digkuns
getref te word!

Tuesday, 31 October 2017

die appel

die appel vasgespeld aan
jou bors
gryp ek 
soos eva

sink ek diep binne
die verbete verlossing 
van 
jou stem

Sunday, 16 July 2017

by die lughawe in port elizabeth

mense met soveel groot woorde en groot gevoelens
weef een sirkel om al die uitspinsels en uitspansels
van intellek en dwaasheid
dit voel asof ek soms die hele mensdom
in my rugstring dra

vliegtuig land en kom tot stilstand hier duskant
die restaurant by die lughawe in port elizabeth
ek sien jonges vasgevang in oorfone
oë genael aan skerms
duime wikkelend oor boodskappe en speletjies
kan ek net wonder oor hierdie land
met al sy gille en hallelujahs
al sy bewegende ledemate en honger mae
hierdie land met vliegtuie wat daagliks opstyg en land
hier is ek skuilend agter my sillabes
en droom oor die toekoms van die valleie en
die kinders en die groei van hulle jong stemme

ek sit met my palms na bo
op die klein tafeltjie in die restaurant
en glimlag vir almal wat verby stroom
ek is nie esoteries of van my kop af nie
ek wil ‘n seën uitspreek oor hierdie land en sy mense
in hierdie een gedig wil ek met soveel innige krag
goedheid en deernis tot lewe spreek

in die lughawe hang alles op so ‘n dun draadjie
vaarwelle en opwinding tril vir etlike oomblikke
voordat dit weggesweep word op vlug na
nuwe reise
nuwe beginne 

Sunday, 16 October 2016

swing

i weave the resonance of my voice
between my fingers
stringing the frequencies into
two strong chains
and my tongue bolted between 
as a steady seat
whereupon i sit and swing
myself into childlike abandon

***

ek vleg die resonans van my stem
tussen my vingers
ek ryg die frekwensies in
twee sterk kettings
met my tong vasgebout tussen-in
as 'n standvastige sitplek
waarop ek sit en
myself tot kinderlike oorgawe inswaai

Saturday, 1 October 2016

nuwe stem / new voice

photographer: Daniele Debellis
calligrapher: Andrew van der Merwe
nuwe stem

met die vibrasie van hierdie nuwe stem
begolf ek die kuswande 
van die gevestigde digterslande
en slyp ek skerp die snykant van my tonglem

met die sinsasie van tong teen tand
ril die rugstring van my verhemelte tot in die verstand
val ek halsoorkop oor elke sinsnede 
vermallend opsoek na woordelike rede

totdat die kern van my senuwees versinsualiseer 
en geen tongval my sal keer
dat wanneer my stem gaan opstaan
my liggaam en siel agterna sal gaan

new voice

with the vibration of this new voice
i push the waves over the coastlines 
of the established lands of the poets
and sharply whet i the cutting edge of my tongue

with the sensation of tongue against teeth
trembles the spine of my palate right into my mind
i tumble head over heels over every phrase
madly in search of verbal sense

till the core of my nerves sensualize
and no tongue-fall will stop me
so that when my voice will rise
my body and soul will follow

Monday, 26 September 2016

omring *

ek klim die heuwel agter ons huis uit
‘n kille wintersoggend in lidgetton, die midlands van kwazulu-natal
'n wilde wind terg my ywerige kuite en enkels
met jagende asems kom ek bo
ek kyk uit vir die plaat klippe 
waarop ek my gedigte gaan voordra

skielik breek twee rietbokke die stilte
en snel pylend oor die vlaktes
al agter hulle ratse pote slaan 
donker koolstof op uit die gebrande gras
met ‘n goeie afstand tussen ons 
gaan staan hulle stil en kyk my stip aan
hulle vertrou nie die vrede nie
en deins vlugtig uit my sig

ek vind my verhoog van klippe
en begin my gedigte een na die ander opsê
ek herhaal oor en oor die lyne van my gunsteling vers
hoe dig ‘n mens vanuit die denklose plek
daar waar dit net suiwer, spontane metafoor is
wat roekeloos uit die keelgat lek
en in filigraan lettergrepe
stalaktities in oorbuise drup?

ek voel aan dat iemand na my luister
ek kyk gedurig om my heen
dit is net gras, wind en heuwels 
ek is nie alleen
ek voel die land se bloed,  vesels,
kleure, liedere,
tonge en velle
voor my opdoem
daar is stemme in die wind
ek wil glo dat die asems van
my voorvadergeeste
my omring
en uitbundig my keelklanke toejuig

*Gepubliseer in die Sol Plaatje European Union Poetry Anthology, volume VI, 2016

Sunday, 1 November 2015

vonk

jirre die lewensenergie vuur deur my oogballe
ek sien my lewe flits verby my oë
met ‘n intense gevoel van beide mortaliteit en ewigheid

alle wonderlike moontlikhede spat deur my are
flitsende visies straal soos sneltreine voor my geestesoog
ek voel oombliklik die smagting na
‘n lewe wat uit haar nate bars
en ‘n stem wat uitbulder met soveel vlammende self-vertroue

dit is hierdie een liggaam wat ek het en
wat ek voel so lewend myne is dat ek nie 
anders kan as om haar lenige spierkragtigheid
met spronge van jolyt te vier nie

dit bruis 
stoot en beur 
hier agter my sternum

met ruime ervaring in betwyfeling 
hartseer en onbemagtiging 
voel ek NOU het die seisoen uiteindelik aangebreek
waar die feesviering van kreatiwiteit oorborrel

stil skaam en styf kan ek nie meer wees
hier kom ‘n golf waarop ek ry
elke vesel in my lyf is gevonk
daar is 'n vlam in my oë wat
nie maklik geblus gaan word nie

Tuesday, 20 October 2015

dink hardop

i

die dae is vol van bome en blomme
en reuke en stories en stemme
en kilometers en afstande wat nader gebring word
winde wat waai
hart wat amper wil breek van so baie

ii

die hele tyd op pad wees
beplanning vir dit en dat
dagboek skryf
gedurig na horlosies kyk
dit maak my mal

iii

ek verlang na die stilte
in water
stilte bo op die drakensberge
stilte in die veld
stilte van ‘n stil hart

iv

as ek kon ontslae raak van al hierdie afleidings
hoeveel spasie sal ek dan in my kop
en om my hê
om myself totaal toe te wy aan my kreatiwiteit

v

die verligting as my lyf en my longe
stilte en kans kry
om weer dieper asem te haal

Sunday, 27 September 2015

laat ons terugkeer hiernatoe

met die arrivering van die nuwe seisoen
staan ek gereed met vlamme wat warm oor my skeen flits
ek sien ver voor uit in 
die onvreedsaamheid van die wêreld
as ek sou bid dan is dit nou
want iets skort in die lewe
die harmonie van saamleef en skep
en mekaar die vryheid van grond en atmosfeer gun

in die uithoeke van ons bestaan sal daar
nog humor moet vasklou om ons siele te red
want as ons eers ons waardigheid verloor het met
die uitwissing van liefde en vrede
gaan ons nie veel hê om aan vas te hou

laat die basuinende klanke van visionêre stemme diep in
die holtes van ons ore vibreer – helder stemme wat 
ons uit ons hibernasie sal pluk
en ons bloed die rigting sal wys
en asseblief, herinner ons om te skep in plek van ruineer
en dat dit ook okay is 
om te observeer eerder as om te reageer

leef met oop gemoedere en juig uitbundig oor
al die passievolle mooi wat 
pols en groei uit hande en monde
laat ons nooit ophou leer
laat ons bly kyk na die groei van
die sade in en om ons
laat ons sonder voorbehoud wortel en blaar spruit
wat van lig en son
skadu en vorm sal maak

laat ons terugkeer hiernatoe:
die eenvoud van skep
laat vaar die kompleksiteite en hoogdrawendhede
stroop die skeppingsdaad tot iets
so vaartbelyn en ongerep
dat ‘n enkele resonans die iris van die hartsoog
sal laat oopblom en tot verligting ruk

Wednesday, 19 August 2015

oer-sprong

ek het niks nuuts om te sê nie
moet ek dan net ‘n spieël wees wat ‘n honderd ander spieëls reflekteer ad infinitum?
‘n kwakende padda wat al die ander kwakendes nakwaak?
‘n pappegaai wat briljant is met na-praat?
‘n krans of grot wat kop-en lyfloos
net agterna eggo eggo  eggo                      eggo                                      
en niks oorspronklik vanuit sy eie diep binnekant kan sê nie?
god weet, ek wil die stem wees en nie die eggo nie!
ek wil die bemagtiging van voorloop en vryheid weer voel
die swier van eie krag
laat ek altyd op die punte van my tone wees
op die punt van my tong
en gereed om in
die oer-sprong-likheid van
die Woord
te spring

Sunday, 10 May 2015

pottebakker

is dit oё-verblindery
of verskyn daar gesigte
in jou aardewerk wat
luidmond-dig
tot my sinne spreek?

teater in die holte van jou hande
klei vuur en glas-uur
vertolk in bo-aardse stemme
die rolle van goёlaars

word kleurlyne die teks
wat die vlugtige misteries 
in kolkende kontoere temper

Wednesday, 15 April 2015

laat ons terugkeer hiernatoe

met die arrivering van die winter-seisoen
staan ek gereed met vlamme wat warm oor my skeen flits
ek sien ver voor uit in 
die onvreedsaamheid van die wêreld
as ek sou bid dan is dit nou
want iets skort in die lewe
die harmonie van saamleef en skep
en mekaar die vryheid van grond en atmosfeer gun

in die uithoeke van ons bestaan sal daar
nog humor moet vasklou om ons siele te red
want as ons eers ons waardigheid verloor het met
die uitwissing van liefde en vrede
gaan ons nie veel hê om aan vas te hou

laat die basuinende klanke van visionêre stemme diep in
die holtes van ons ore vibreer – helder stemme wat 
ons uit ons hibernasie sal pluk
en ons bloed die rigting sal wys
en asseblief, herinner ons om te skep in plek van ruineer
en dat dit ook okay is 
om te observeer eerder as om te reageer

leef met oop gemoedere en juig uitbundig oor
al die passievolle mooi wat 
pols en groei uit hande en monde
laat ons nooit ophou leer
laat ons bly kyk na die groei van
die sade in en om ons
laat ons sonder voorbehoud wortel en blaar spruit
wat van lig en son
skadu en vorm sal maak

laat ons terugkeer hiernatoe:
die eenvoud van skep
laat vaar die kompleksiteite en hoogdrawendhede
stroop die skeppingsdaad tot iets
so vaartbelyn en ongerep
dat ‘n enkele resonans die iris van die hartsoog
sal laat oopblom en tot verligting ruk

Friday, 27 March 2015

die Groot Gedig hy is oppad

die Groot Gedig hy is oppad
hy is al lankal oppad
dit is net jammer dat hy nog nie gearriveer het nie
ek hoor hom aankom al vir jare lank
maar hy kom net nie nader nie
die Groot Gedig is definitief oppad in my rigting
ek sien hom sidderend op die horison
hy is aan’t beweeg
maar hoekom is hy nog so ver?
hy is luid en vol self-vertroue – dit kan ek hoor
hy tril met dawerende geskal
hy is nie skaam vir die atmosfeer en wêreldtoestand
sy treë is groot en kordaat
maar hoekom wil hy net nie nader kom?!
sy stem is helder soos ‘n klok
maar geen woord hoor ek van hom
die Groot Gedig hy is oppad
ek voel sy warm asem teen my hakskeen
my lyf is reg vir hom 
trots en fier loop ek deur elke dag
hoop sterk dat hy my sal raaksien
die Groot Gedig weet van my
ek weet dit
ek voel dit
ek dink die grootsheid van die Groot Gedig
hou hom terug
keer hom om te vinnig
sy verskyning te maak
ek vermoed dit is een moerse Groot Gedig
want hy vat regtig sy tyd
hoe kan ek nou krom staan en moed verloor?
vandag is dalk die dag waarop hy sy verskyning gaan maak
en my dan gaan mis kyk
Lara, moenie opgee 
staan gereed 
vir die Groot Gedig
 - hy is oppad

Tuesday, 25 November 2014

continents of sound

I performed the following poems in my last piano recital continents of sound in Stanford last month in the Western Cape. It is a series of poems that I have been using in some of my other recitals in collaboration with other musicians - clarinetist Morné  van Heerden, cellist Francois le Roux and flutist Thomas de Bruin. These poems have given the recitals a strong sense of cohesion and drama. Personally I think the words have a wonderful way to balance the intensity of the musical moments. I have received very inspiring feedback on the poems. They have been coming a long way with me -  each one has its own story and inspiration. They have been flashes of lightning as well as globes of grapes in my mouth. They have given me strength with each performance. It has been very fulfilling to realise just how closely woven my poetry and music can be at times. I thought it is now a good time to publish them here. 

I indicate the piano pieces to give an idea of the music that I played in continents of sound.

 >>> Improvisation <<<

1.

Nuwe Aarde

dit is daar waar ek wil wees
daar waar kontinente van klank
uit my keel en vingers vloei
en ek aan 'n hele
nuwe aarde geboorte gee

New Earth

that is where I want to be
there where continents of sound
flow from my throat and fingers
and i give birth
to a whole new earth

>>> Beethoven Sonata <<<

2.

boorling van hierdie klank-aarde

my vingers omvou elke vou en hoek
van die klank se lyf
voel sonder om te sien
die glans
die deining
die gly kontoere
van toon-organika
wat in die hemelvuur
tot
boorling van hierdie klank-aarde
gelouter word

inhabitant of this sound-earth

my fingers fold over every fold and corner
of the body of sound
feel without seeing
the shining
the undulation
the smooth contours
of tone-organica
that is fired in heaven's flame
into inhabitant of this sound-earth

 >>> Schubert Impromptu <<<

3.

o, Musiek

dit is waar klanke gebore word met aardse lywe
en ons die herinnering van premordiale frekwensies
in ons honger ore kan hoor sing
en die hart kan net juig oor musiek
wat so diep tref

oh, Music

this is where sounds are born with earthly bodies
and we can hear the memory of primordial frequencies
sing in our hungry ears
and the heart can only rejoice over music
that strikes so deeply

 >>> Debussy Clair de Lune <<<

4.

ryp druiwe

die musiek-klanke val
soos
ryp druiwe
uit
die lug
vol trosse kom lê soet-soelig diep binne my oor
draai om en om in
'n hemelse taai mallemeul
in die ingewandes
van
my siel
die rillings breek uit oor my kopvel
en die toppe van my skouers
ek is bang as
die stilte
gaan kom
ah, om verewig in die hand van klank te lê
daar waar dit resonerend warm is
vat my nie weg van hierdie klank!
kom musiek,
kom val
soos ryp druiwe
in my oor
bederf my
met
'n oomblikse versadiging
van
hierdie
nimmereindigende
honger

ripe grapes

the sounds of music fall
like
ripe grapes
from
the sky
full bunches come lie sweet-sultrily deep inside my ear
turn round and round in
a heavenly merry-go-round
in the guts
of
my soul
the thrills break out over my head
and on the tops of my shoulders
i am scared when
the silence
will descend
ah, to lie forever in the hand of sound
there where it is so resonantly warm
take me not away from this sound!
come music,
come fall
like ripe grapes
in my ear
spoil me
with
a momentary satiation
of
this
neverending
hunger

>>> Granados Playera <<<

5.

uit die resonante holtes van lyf

uit die resonante holtes van lyf
breek die stem oop
en sing oor die ganse aarde
die lied wat
in drome klink
deur skeure breek
en
in murg gaan sit
en nie laat los
totdat dit lyf vervorm tot
transendentale beswyming

from the resonant cavities of body

from the resonant cavities of body
breaks open the voice
and sings over the whole earth
the song that
sounds in dreams
breaks through the cracks
and
clings onto the marrow
and does not let go
until it reforms body into
one transcendental swoon

 >>> Improvisation <<< 

>>> Chopin Polonaise <<<

6.

verrukking van klank

vlugtig vlieg die ritmes uit my vingers
en draai ek in 'n kolk van ekstatiese malkoppigheid
totdat swart en wit,
spier en hout,
ek en jy
een word
die musiek ons vasboei
die melodie ons in hegtenis neem
en die wispelturigheid van die sikloniese ritmika
ons verewig gevangene hou
in die verrukking van klank

exuberance of sound

flightily the rhythms fly from my fingers
and i turn in a whirl of ecstatic madness
till black and white,
muscle and wood,
you and i
become one
till the music shackles us
the melody takes us captive
and the moodiness of the cyclonic rhythm
ensnares us forever
in the exuberance of sound

>>> Gershwin Two Preludes <<<

7.

ontmaskerende koorstigtelikheid
van klank

my vingers
skud die
sweet van
die klankekoors
oor die
gate van
ore wat
die toevoer
is na
die ondergrond
van julle
siele
die kwiksilwer
in die
buis van
julle monde
breek oop
met die
druk hitte
van die
ontmaskerende koorstigtelikheid
van klank

unmasking feverability of sound

my fingers
shake the 
sweat of
the sound-fever
over the
holes of
ears that
are the
subway
to the underground
of your souls
the mercury
in the
tube of
your mouths
breaks open
with the
pressured heat
of the
unmasking feverability
of sound

>>> Takacs Toccata <<<