in
die ystervark se penne
die
eland se blink-blou nekvel
die
liewensheerbesie se swart en rooi vlerke
die
walvis se see-inkantasies
die
mos-reuk van oerwoude
alles
tekens van
oorlewing
en
feesviering
Thursday, 30 June 2016
Tuesday, 28 June 2016
waansin
uit die sin perkoleer ek die waansin
want dit kan nie die heeltyd
eenvoudig net skone sin wees nie
uit my vingers drup die waan
want die lyf en kop begeer
troebel raserny
dis al wat die patroonmatigheid sal laat opborrel
en uitbreek in nuwe ongegrendelde malligheid
wat is fout met kranksinnigheid?
skewe sinne is goeie uitdaging vir
die verstand
wie het bepaal dat sinne regsinnig moet wees?
in vandag se deurmekaarspul van moraliteite
moet ons nie net die uitbundige headbangs oorlaat
aan die rockers en metalheads nie
ons digters moet ook in totale gekheid verval
waarin ons ons sinne op
die verhoog in splinterstukke breek
ons kan verseker baat daarby om meer gereeld
los te breek van die monotone dwangbuis
en uiting gee aan ons waansin
Subscribe to:
Posts (Atom)