slivers of souls peel from the gutters
Monday, 30 November 2020
Saturday, 28 November 2020
rampspoedig
rampspoed is wat met my besig is om te gebeur
die ramp van sielsverdorring
vonk-terugslukking
die ramp van sielsverdorring
vonk-terugslukking
self-beeld-mislukking
die ramp gebeur inderdaad spoedig -
oornag verdof die oë
trek die keel nou
word alle naels stomp-af gebyt
dit is spyt nyd woede hartseer jaloesie
afguns irritasie
wat soos suur
gate dwarsdeur my hart brand
my arme hart kan dit nie meer staan
uitgerafel hang sy in my borskas
as my ribbes maar my hart teen die aanvalle kon red
maar die aanvalle kom van binne
dis die inside jobs wat
die seerste en skokkendste is
this night
softly the
unexpressed desires
blotch the
lilywhite neck and
it is the
melancholia that lingers long
into the
night long
after the
light has been snuffed out
moisten your lips while the
outspoken shadows keep
ownership of the
deserted corridors
enthral the neck-hairs and walk out into the
night
hold your head in your hands when the
alabaster moon begins to
notate herself heavily in the
corners of forgotten
euphoria
remember this night.
Friday, 27 November 2020
ek kan nie wegkyk
proteas loer uit
hulle donker oë oor
hulle donker oë oor
die hange
die fluweelagtige ooghare
flikker
oor die velde
ek kan nie wegkyk
die uitlokking is
onweerstaanbaar
Thursday, 26 November 2020
my mond droom
my mond so 'n donker kom van ongediertes
en stukkende asems
ek gryp na woorde om my kieste
en stukkende asems
ek is desperaat -
ek gryp na woorde om my kieste
te parfumeer en rehabiliteer
my mond droom van glottale gimnastiek
verbale virtuositeit
verskietende sterre van sibilante
moet nooit 'n mond
wat so smag na kwinkelering
ooit bedreig met versmoring
Wednesday, 25 November 2020
paisley-tonge
die paisley-patrone teen my slaapkamergordyne
lyk vanaand nes tonge wat die warm nag nat wil lek
lyk vanaand nes tonge wat die warm nag nat wil lek
tonge wat teen my uitgedroogde verhemelte wil oplek
kom paisley-tonge, slobber oor my wange
vee 'n feestelike skyn oor my gesig
spat ongekarteerde vervulling deur my borskas
o paisley-tonge, moenie ophou om die kreatiewe lekkerte
binne my wakker te lek nie
verlewendig die visioene vir en van myself
Saturday, 21 November 2020
onmenslik
so ongedurig
so ongemanierd
so boosaardig
so boosaardig
so kleinlik is ek
wens ek was
eerder ongeletterd
as so onmenslik
Wednesday, 18 November 2020
een groot loos is ek
goddeloos
rigtingloos
liefdeloos
genadeloos
ideeloos
asemloos
hopeloos
woordloos
besluiteloos
bewusteloos
lusteloos
rusteloos
leweloos
rigtingloos
liefdeloos
genadeloos
ideeloos
asemloos
hopeloos
woordloos
besluiteloos
bewusteloos
lusteloos
rusteloos
leweloos
een groot loos is ek
Thursday, 12 November 2020
ritssluiter van my papier
As ek nie weet wat om te skryf nie
Kyk ek vir letterlike speletjies om die
Kyk ek vir letterlike speletjies om die
Ritssluiter van my papier te wees
Of
So hoop ek
Tas deur die alfabet totdat daar
Iets noemenswaardig sal
Eskaleer wat die
Sintuie van die leser
Ekstrapoleer
Gee die honger oë
Een van die
Noodsaaklikste
Oorlewingsmiddels -
Toor-digtatorika!
Tuesday, 10 November 2020
poetry, do not
poetry, do not glorify my heart -
strip it rather
so that when I open the page
a single syllable
will break open
the wry smell
of my heartbeat
Saturday, 7 November 2020
haiku
1
red velvet ripples
fingers feel the fabric bliss
lullabying skin
2
sneakers at the door
sniffing the day-breaking sun
laces and soles flare
3
a lone grain of salt
the table full of shadows
her eyes distant pools
4
half-eaten avo
teaspoon resting on the flesh
clock slicing the air
5
refrigerator
gnawing the stillness to shreds
i pull the plug out
6
bottle filled with stones
the hand tightening the lid
stone-ness quarantined
7
she stares silently
wine-drops on lower lip
cheekbone quivering
8
dirty serviette
tired hand falling palm up
fingers surrender
9
rosemary in hand
nose presses into the twig
eyes squint in the smell
10
imagination
the brain-waves captured in ink
blue river a-flow
11
sister and brother
laughing faces in the sun
light clouds sigh above
12
the hand and the poem
shadow falls between the two
pen rolls to the ground
red velvet ripples
fingers feel the fabric bliss
lullabying skin
2
sneakers at the door
sniffing the day-breaking sun
laces and soles flare
3
a lone grain of salt
the table full of shadows
her eyes distant pools
4
half-eaten avo
teaspoon resting on the flesh
clock slicing the air
5
refrigerator
gnawing the stillness to shreds
i pull the plug out
6
bottle filled with stones
the hand tightening the lid
stone-ness quarantined
7
she stares silently
wine-drops on lower lip
cheekbone quivering
8
dirty serviette
tired hand falling palm up
fingers surrender
9
rosemary in hand
nose presses into the twig
eyes squint in the smell
10
imagination
the brain-waves captured in ink
blue river a-flow
11
sister and brother
laughing faces in the sun
light clouds sigh above
12
the hand and the poem
shadow falls between the two
pen rolls to the ground
(published in Poetry next to the Railway, October 2019 under the pseudonym of Arnold Vorster)
Tuesday, 20 October 2020
so many do's and so many be's
eat healthy
breathe
breathe
be mindful
be efficient
be in touch
get an online job
keep performing
keep writing
keep kitchen clean
sani-fuckin-tize
be friendly
earn money
be happy
be kind
be creative
think out of the box
make plans
save money
be practical
tow the line
be free
be a faery
be funny
be fit
breathe goddamit!
reply to your messages
go to the dentist
get car serviced
don't forget to sanifuckuntize
don't bite your nails
don't look at your phone so much
be content
don't be comfortably numb
recycle
plant an edible garden
keep cooking
and wash those unending dishes
get sun
drink enough water
why aren't you dancing?
save water
wash your hands for 20 seconds!
go for an eye checkup
stay away from inflammatory foods
be informed
join the library
don't believe everything you read
support local
keep perspective
dream big
see far
be cool
be accountable
be open-minded
think positive
...
fuck where will the list end?
JUST FUCKIN LIVE!
Tuesday, 6 October 2020
rosyntjie
al die skrywers van die hede en verlede
se skadu val oor haar
sy voel so onbeholpe
onbekwaam
ongeletterd
haar brein bly self-verteer tot
een klipharde smaaklose rosyntjie
watter waarde is daar te vinde
in ‘n rosyntjie-kop-digter?
sy moet eerder – as verlossing en versnapering –
die rosyntjie in stroopsoet rooibostee week
en dit met stadige tandekners pulveriseer
en maag toe sluk
se skadu val oor haar
sy voel so onbeholpe
onbekwaam
ongeletterd
haar brein bly self-verteer tot
een klipharde smaaklose rosyntjie
watter waarde is daar te vinde
in ‘n rosyntjie-kop-digter?
sy moet eerder – as verlossing en versnapering –
die rosyntjie in stroopsoet rooibostee week
en dit met stadige tandekners pulveriseer
en maag toe sluk
nou is daar niks meer in haar kop
nou kan sy met genoegdoening
haarself die oopkopdigter noem!
nou kan sy met genoegdoening
haarself die oopkopdigter noem!
Saturday, 19 September 2020
onfraai
die ongeoefende letters
wil onfraai
oor die papier wals
ongeskool wil my tongskubbe
deur die getye gly
wil onfraai
oor die papier wals
ongeskool wil my tongskubbe
deur die getye gly
Friday, 11 September 2020
agterdogtig
wat het geword van die dae
wat ek digkuns gedrink, sweet en droom het?
ek het my diepste asem daarin gevind
maar nou is ek so agterdogtig
is die digterlike bedoeling
waarlik opreg?
'n akkurate versinnebeelding van
die hartmosfeer?
so 'n wankelrige brug met helfde van
die planke weg
die draadwerk skiet
uit die wal
die metafore val uit en
deurmekaar
die dieptes in
vanwaar gaan my hulp kom?
wat ek digkuns gedrink, sweet en droom het?
ek het my diepste asem daarin gevind
maar nou is ek so agterdogtig
is die digterlike bedoeling
waarlik opreg?
'n akkurate versinnebeelding van
die hartmosfeer?
so 'n wankelrige brug met helfde van
die planke weg
die draadwerk skiet
uit die wal
die metafore val uit en
deurmekaar
die dieptes in
vanwaar gaan my hulp kom?
Sunday, 6 September 2020
wie
laat my glo in
die laaste druppel digkuns
wat op my tong lê
wie gaan dit kom oplek?
die laaste druppel digkuns
wat op my tong lê
wie gaan dit kom oplek?
Tuesday, 1 September 2020
ek dans meer as wat ek skryf
die eerste keer vir alles -
ek skryf hierdie gedig terwyl ek luister
na 'n funky dans remix van Diana Ross
se Love Hangover
ek dans meer as wat ek skryf
die refrain herhaal oor en oor
i don't want to get over this
i don't want to get over this
al my scatter matte op my woonstel
se teëls omgedolwe deur my voete
wat ook nie die gevoel wil stop nie!
so ook die scatter verse in my gedig
wil nie sit of lê kry
nou ja, hulle moet maar opspring en saam dans...
ek skryf hierdie gedig terwyl ek luister
na 'n funky dans remix van Diana Ross
se Love Hangover
ek dans meer as wat ek skryf
die refrain herhaal oor en oor
i don't want to get over this
i don't want to get over this
se teëls omgedolwe deur my voete
wat ook nie die gevoel wil stop nie!
so ook die scatter verse in my gedig
wil nie sit of lê kry
nou ja, hulle moet maar opspring en saam dans...
Tuesday, 26 May 2020
klein odes aan die ClemenGold mandaryn
“a ray of
light that was made fruit
the minute
fire of a planet”
-
Pablo Neruda
in hierdie
oomblik is jy die vrugste van vrugte
die klein
ontploffings wat jy ontketen in my sintuie
stormloop my verbeelding
gooi my toe
met 'n duisend trillende mandaryne
laat elkeen
van julle soos oranje soene oor my dorstige lyf oopvou
die beswyming
gedy wiegend soos wat jou soet getye deur my mond gly
my keel breek oop in sugtende kreune
soos wat die
sitrus
mandalas
onder my verhemelte oopsprei
rapsodies
spruit my tong nog smaakkliere
om elke grein
aroma in te suig
jubelend
verlig jy selfs die son!
gee my nog
tande, tonge en slukpype
om jou oorvloedige feestelikheid
te
kan proe en indrink
***
in hierdie
tye van newelagtigheid
is dit jy op
my tong wat
my weer in
vrede en gesondheid laat glo
ek sit jou
skil soos ‘n skulp teen my oor
jou sagte wit
binnevel
tril met die
rillings van vrugbaarheid en oorvloed
met een
mandaryn-skil tussen my vingers word ek ‘n clairvoyant
in een oranje
spatsel op my voorarm
skyn ‘n
glimmerende mirage van die toekoms
jou skyfies
soos glinsterende edelgesteentes
gesprei oor
die kuslyne van ons monde
weeg elke
amberstukkie op die tong
en proe die
rare ryk reënbuie van afrika in elke sappige sel
***
barnsteen-klokke
lui deur die groen takke
kom skil die
mandaryne! kom skil die mandaryne!
kyk hoe die
oranje skywe soos klein glimlagte
in die palms
van hande oopbreek
ons staan met
ootmoed en taai wange
en besing
hierdie mandaryn-gawe
wat soos ‘n
goue skemer
die soete
herinnering oor ons kele verf
kom skil die
mandaryne! kom skil die mandaryne!
***
o mandaryn,
jy is suiwer spontane metafoor
wat roekeloos
uit die keelgat lek
en in
eeue-oue sillabes
soos stalaktiete
van die verhemeltes drup
***
mag die sterre en hemelliggame vir een aand
vervang word met die mandaryne
sodat die heelal soet en helder
in taai-druppel arabesques
deur almal se drome sal skyn
***
move on with the changing times, Opperman!
en laat my eerder sing
o my nooi is
in die ClemenGold mandaryn!
***
die mandaryn-bome is bedrewe marionet-meesters
wat nartjie-poppe-teater speel
en pointillisties die juigende vrugteboorde
met onblusbare oranje inkleur
watter oneindigende skilder-pret sou van gogh en dali kon toor
met hierdie dansende nartjies
***
‘n stille majesteit:
die buigende takke ril oor die swygende lanings in die boord
die lug sy hang vol verwagting
want sy het al vantevore gesien
hoe die oes-seisoene glimmer met juigende hande
soos die oranje orakels
sagte insigte in die mandjies murmel
maar vir nou hang die lug vol verwagting
die buigende takke ril oor die swygende lanings in die boord:
‘n stille majesteit
***
hulle sê
you are
what you eat
mag ek oornag in ‘n
ClemenGold mandaryn verander!
***
soos bedrewe alchemiste giet son, water en grond
elke klein oranje koeël wat
so raak deur my sintuie skiet
kwes my verruklik diep tot in die hart van my tong
***
kyk die groot ronde oë wat met innige oranje onskuld
die wêreld soos wyse harlekyne beloer
***
ek smile daai mandaryn-smile
want my duim voel die grootste lekkerte
om daai eerste skeur deur die skil te maak
en hoe frons ek daai mandaryn-frons
wanneer daai gekwesde skil my so slinks
in die oog spat
nou ja, wat sê hulle van karma?
***
my kakebeen gee oor aan die oranje ontspanning
my mond is uitgelewer aan hierdie soete omsingeling
my nek ontkoppel
ek tuimel neer in ‘n sitrus beswyming
moenie my in die rede val as ek ‘n ClemenGold besing nie!
***
Saturday, 16 May 2020
die grassnyer bly dwars
die grassnyer bly dwars en
dans klippig en pittig
deur die bowling alleys
van die gewete
dans klippig en pittig
deur die bowling alleys
van die gewete
Wednesday, 13 May 2020
chemie
ontsluit die bekkenbeen van die gedig
en stort alle lewenslustige beurende vrugbare ontploffings
uit oor die dorstige vlaktes van die papier
verfrissing te vinde in elke nat ink-lyn
die penpunt tril
met opwinding om die woordrivier
te laat vloei
in aanraking opregte aanraking
is die pen met die digterlike idee
so gereed so toegewyd
aan die metaforiese draaie
altyd op aandag om in diens te wees van die poëtika
die woord smelt in die hitte
van die digterlike kookpunt
selle woorde verhale lyding
insigte insekte sinapse geheue
verrukking wind hartklop
word geklits in die een metaforiese maelstrom en word
uitgewerp oor die kuslyn van die meditatiewe brein
nou kom elke beeld se smaaklike essensie na vore
en versterk die ander sintuie
digtatorika kan ook
chemiese reaksies ontlok
nie net in proefbuise breine kos
borrel en toor chemie nie
maar ook reg hier tussen die eindelose lengte
tussen die brein
die digtersoog en
die gretige papier
en stort alle lewenslustige beurende vrugbare ontploffings
uit oor die dorstige vlaktes van die papier
verfrissing te vinde in elke nat ink-lyn
die penpunt tril
met opwinding om die woordrivier
te laat vloei
in aanraking opregte aanraking
is die pen met die digterlike idee
so gereed so toegewyd
aan die metaforiese draaie
altyd op aandag om in diens te wees van die poëtika
die woord smelt in die hitte
van die digterlike kookpunt
selle woorde verhale lyding
insigte insekte sinapse geheue
verrukking wind hartklop
word geklits in die een metaforiese maelstrom en word
uitgewerp oor die kuslyn van die meditatiewe brein
nou kom elke beeld se smaaklike essensie na vore
en versterk die ander sintuie
digtatorika kan ook
chemiese reaksies ontlok
nie net in proefbuise breine kos
borrel en toor chemie nie
maar ook reg hier tussen die eindelose lengte
tussen die brein
die digtersoog en
die gretige papier
Tuesday, 12 May 2020
kariljon
die meganiese trots van die kariljon
kners op sy tande
elke beier van sy klokke loop katvoet
deur die vergetelheid
wat knobbelrig bly progresseer met groot drif
kners op sy tande
elke beier van sy klokke loop katvoet
deur die vergetelheid
wat knobbelrig bly progresseer met groot drif
Monday, 11 May 2020
ek gaan sit in die boom
ek gaan sit in die boom
en speel abbakus-abbakus met die blare
ek moet weer in aanraking kom met
die in-tel-lig-ensie van die natuur
en speel abbakus-abbakus met die blare
ek moet weer in aanraking kom met
die in-tel-lig-ensie van die natuur
Friday, 8 May 2020
bedagsame pigmente
al wie bly mediteer in hierdie tye
is die bedagsame pigmente
wat nie meer die hart het om
oor die velle te wil spat nie
is die bedagsame pigmente
wat nie meer die hart het om
oor die velle te wil spat nie
Sunday, 19 April 2020
soos 'n taksidermis
soos ‘n taksidermis
vat ek die dooie gedig
en stop dit op
plak met bewende vingers
sy smotsige vere in deurmekaar metafore vas
en hoop die wêreld sien
nie sy onpolsende hart raak nie
vat ek die dooie gedig
en stop dit op
plak met bewende vingers
sy smotsige vere in deurmekaar metafore vas
en hoop die wêreld sien
nie sy onpolsende hart raak nie
Thursday, 16 April 2020
grootbekke
dit is hartverskeurend hoe grootbekke
hoogty vier in hierdie wêreld
ek skaar my maar by die sonskyn
om my sin van standvastigheid te gee
ek nooi die malvablomme en
die tarentale om saam met my
in die voortuin piekniek te hou
hoogty vier in hierdie wêreld
ek skaar my maar by die sonskyn
om my sin van standvastigheid te gee
ek nooi die malvablomme en
die tarentale om saam met my
in die voortuin piekniek te hou
Sunday, 5 April 2020
die peristalse bly benoud
die peristalse bly benoud
omdat ek die konvensie in my bewerasie gewaar
ek bly dans om die spontane blydskap astraal
en prontuit uit my tone te laat bloei
my agonie en aggressie word sagter
moenie so besitlik wees oor jou karmenaadjie
haal dit uit die uitsonderlike parentese
die drukkieklikkie raak al hoe meer loslit
soos wat die murgmeter se grafiek verwoed op en af dans
die wêreld se gemoed raak so katatonies dat die asteroides geen lus het om naby die aardbol verby te wals nie
ek het soveel oog, oor en hartlogika
die bleeksielige opsigter van my beendere
moet gedurig die brandblussers byeenroep
om die wegholbrande in my sinuwees te bedaar
asseblief hou die kliniese klousules ver weg van my digkuns
ek wil met geen era seisoen verwagting of media handskud nie
omdat ek die konvensie in my bewerasie gewaar
ek bly dans om die spontane blydskap astraal
en prontuit uit my tone te laat bloei
my agonie en aggressie word sagter
moenie so besitlik wees oor jou karmenaadjie
haal dit uit die uitsonderlike parentese
die drukkieklikkie raak al hoe meer loslit
soos wat die murgmeter se grafiek verwoed op en af dans
die wêreld se gemoed raak so katatonies dat die asteroides geen lus het om naby die aardbol verby te wals nie
ek het soveel oog, oor en hartlogika
die bleeksielige opsigter van my beendere
moet gedurig die brandblussers byeenroep
om die wegholbrande in my sinuwees te bedaar
asseblief hou die kliniese klousules ver weg van my digkuns
ek wil met geen era seisoen verwagting of media handskud nie
Friday, 3 April 2020
verbly
die spektrale kariljon bly in my ore lui
lui alle klaagliedere uit die pen uit!
laat ek die filigraan idée fixe vasvang
en dit opklits tot een pronkende pou
dit sal die poppemeesters verbly
lui alle klaagliedere uit die pen uit!
laat ek die filigraan idée fixe vasvang
en dit opklits tot een pronkende pou
dit sal die poppemeesters verbly
Monday, 23 March 2020
die agterdogtige palimpses
die
agterdogtige palimpses
agoniseer
al jare lank oor die
pandemiese
tyding
wat
touspring oor die bukoliese juigliedere
wie
bedien alewig die swetterjoel anarchiste
wat
hulself vermurwe met die karmosyn verdoemenisse?
jy
sal moet ligloop vir die smotsige kombuishande
wat
hard probeer ‘n inkomste verdien
die
verskoonagtige versies skitter verboureerd met
die
modieuse arsenaal lettergrepe wat die gedagtes wil orkestreer
die
grassnyer bly dwars en dans klippig en pittig
deur
die bowling alleys van die gewete
die
heuning en die dou vergaar behendig al die swerkater
se
verskonings en verdedig die besimpelde ritteltits
al
wie bly mediteer in hierdie tye is die bedagsame pigmente
wat
nie oor die nuutgeborenes se velle wil spat nie
die
meganiese trots van die kariljon kners op sy tande
en
elke beier van sy klokke loop katvoet deur
die vergetelheid
wat
knobbelrig bly progresseer met groot drif
die
geluksalige gesant raadpleeg die fatsoenlike karbonkel
om
die droom te laat bedaar
kom
eet jou selerysop
daai
groen vesels sal die agoniserende palimpses balanseer
met
onslordige verduidelikings
ek
parafraseer maar net die groot idee wat so graag
sy duisendjarige verjaarsdag wil
vier
komaan, vergeet van die alewige afskeping
my dierbare agterdogtige palimpses
blaas die duisend kerse dood
en sing vollebors die bukoliese juigliedere!
Friday, 20 March 2020
peul
die metafore peul bont uit die oksels van my arms
geen enkele woord sal in my taal
ongesê gelaat word nie!
ongesê gelaat word nie!
Friday, 13 March 2020
hoekom skryf ek?
hoekom skryf ek?
ek skryf opsoek na ‘n helderte
‘n vrybreek van fiksasies
ek skryf opsoek na vryheid
‘n ontkoppeling van die verrotting
ek skryf om my eie skreeu te vind
die skreeu wat my binnewande sal louter
ek skryf om my kop, longe
en lyf se disharmonie weer in stem te bring
ek skryf omdat ek net sin wil maak
dis al
ek skryf opsoek na ‘n helderte
‘n vrybreek van fiksasies
ek skryf opsoek na vryheid
‘n ontkoppeling van die verrotting
ek skryf om my eie skreeu te vind
die skreeu wat my binnewande sal louter
ek skryf om my kop, longe
en lyf se disharmonie weer in stem te bring
ek skryf omdat ek net sin wil maak
dis al
Subscribe to:
Posts (Atom)