Wit

in wit wil ek wees

in wit wil ek myself skilder

geen skaamte op my wang laat bloos nie

in geen vrees my vlerke laat val nie

in wit skone wit wil ek wees

skim

spook

'n denkbeeldigheid

kan dit dalk op eerste sig lyk

maar wit so waaragtig as wit sal ek wees

ek wil nie meer wegkruip agter kleur en

fladder en spier en spring en vlieg nie

ek wil hier

wees

net

hier

wees

en in wit sal dit moet wees

kleur my hele lyf wit in

laat geen ander kleur deurskyn

net wit

altyd wit

in wit wil ek praat 

in wit wil ek sing

in wit wil ek dig

in wit wil ek slaap

laat ek alle kleure verwit

laat wit my hele wese oorneem

elke spier

elke gedagte

elke tree

elke asem

laat dit in wit wees

kleur verlei

kleur maak deurmekaar

gee

my

eerder
die
eenvoud
van

wit