my huis staan reg hier

ek voel my skrywery is so aan die lewe

daar is 'n vibrancy,

'n onhuiwerigheid,

'n voortgriffelende openbarigheid

ek skryf sonder daai huilerigheid

daai vrees, daai twyfel

ek skryf nie omdat dit goed of sleg is nie

of mense dit gaan lees of nie of

gaan goed-of afkeur nie 

ek skryf dood-een-voud-dig-lik

omdat dit FOKKIN lekker is!

ek wil nie brei, ek wil nie koekbak

ek wil nie mure bou, ek wil nie toilette regmaak,

ek wil nie trokke bestuur, ek wil nie byeneste aanhou

ek wil nie verf of teken 

ek wil nie wegkruip of weghardloop

ek wil skryf skryf SKRYF:

my heenkome 

wat eenvoudig vloei uit die punt van my potlood

ahhh ek huil nou sommer - 

my huis staan reg hier tussen potlood en papier

nou sal jy soet slaap, skat-Lara