Sunday, 15 December 2024
(o lewe so rojaal en so wreed is jy!)
iets bly groei
ons nou net afgelui op die foon
ek kon jou glimlag hoor straal deur jou stem
so warm sê jy my naam
droom dromer droomste is jy
Saturday, 14 December 2024
jy verhelder my
ek het vir jou gesê jy is geniaal
en ek staan nogsteeds daarby
dit vat 'n genie, 'n sekere meester, toornaar,
siener, sanger,
minnaar, man,
mens, JY
om hierdie klein druppel van 'n mens, vrou,
digter, tokkelaar, huppelaar,
lewe-liefhebber, EK
so helder raakgesien en raakgevat te laat voel
dit vat 'n genie om iemand soos my raak te toor
soos wat jy dit doen
ek is vermal ek is verlief ek is versot
ek is verhelder soos nooit vantevore
Thursday, 12 December 2024
sonder oë
soos versengende braille
oor my hele lyf
sodat jy
kan lees
ek
daar is geen woorde
argeoloog
jy diep skatte op uit my binnenste ruim
en laat dit oop- en
Wednesday, 4 December 2024
jou aandag is verbysterend
jou aandag is verbysterend,
bo-manlik, bo-menslik
hoe kan een vrou so baie aandag geniet?
jy onthul die geheime in my lendene
ek wil die vreugde, die verrukking,
die oorgawe, die feesviering
die bemagtiging, die erotiese fonteine met die res van die uitgehongerdes deel
- vrou en man -
die dorstiges, die gefrustreerdes
die hartgebrokenes
die vergetenes, die afgeskeeptes,
die moed-verloorders
en selfs hulle wat dink hulle
ken versadiging en verrukking
in elk sal 'n reinkarnasie oopblom
van die loutere ekstase
wat jy met jou enkele veelvuldige toorlyf ontketen
Monday, 2 December 2024
eerste gedig vir jou
Saturday, 30 November 2024
alles pas perfek
en lei die vlees na die geestelike
die metrum word maatloos
so polsend lewendig
ek voel 'n ongeëweneraade gevoel
wat die woorde ek het jou lief
ver oortref
ek prewel gedigte teen die mure
teen die deure
op met die plafon
uit die vensters
diep in die rumoerige vere van die matras
alles is so helder
so gedelinieerd omlyn
passie só helder vlammend
het ek nog nie ervaar nie
'n passie wat perfek tussen die lywe oopbreek
geen stuwing of wrywing of ongemak
geen struweling of teenstand of weerstand
passie so perfek en vaartbelyn gevorm
in en om die genitalia en ledemate
om alle bewegende begerende begeerlike dele
in perfekte gewig en balans
teen mekaar te laat uitswel en uitrys
na my triomf van 'n konsert het jy gekom
om by my te kom inkruip
om my binnenste en buitenste diep te vertroetel,
ek soek nie na die pieke vanaand
- te veel verrukking vervulling en verligting vir een aand -
loop net oor die kontoere van my flanke
heen en weer in en uit
jy toor my met jou sikloon
en maak my ore intuimel
erotiese inploffing
die tonnels in my lyf het nog nie hierdie vlak
van uitdelwing ervaar
ek voel soos 'n gietsel wat deur
die vuur van mortaliteit
vernedering skaamte vrees
ongeduld frustrasie
verwarring aftakeling
gelouter is
en vandag vir die eerste keer uit
die keramiek-dop breek
jare se weerstand en opstand
in die erotiese vermengsels
oplos en wegsmelt
lê jy nou so self-versekerd en tydloos
soos 'n berg, die see, 'n klip
so gemaklik in hierdie naby-wees
O, Vuur-Lam
pêrel jou sweet onder my vingers
ek staan verbyster oor hoe jy die velde van
my begeerte meet en navigeer
nie net jou lyf
maar jou siel straal van die eros
wat perfek binne my eros inkolk
Tuesday, 26 November 2024
vir breyten
Thursday, 21 November 2024
jy is onvervangbaar
Thursday, 14 November 2024
moenie jaloers wees
hoe hoog die pieke van my liefde
my laat uitstyg nie!
Oseane - moenie jaloers wees op
die grootsheid van die golwe wat
hy deur my gety nie!
Bome, my liewe Bome - moenie jaloers wees op
hoe diep en vinnig hierdie liefde
my menswees vasankering en behoort gebring het nie
O Engele - moenie jaloers wees op
mý vlerke -
julle sal nog leer hoe om
Wednesday, 13 November 2024
ek staan verstom hoe alles om my blom
Poem, you shall be written down!
The Lovers know
With one look they turn each other’s eyes
Into galaxies of overripe plums
Their organs throb like underground springs
They do not breathe like you and me
They suck and spit air greedily as
If their lungs will expire by the stroke of twelve tonight
They can’t tell horizontal from vertical
They jump out of high storied windows
Trusting earth will vault them to the stars
The Lovers know they are blind
But they choose not to see
Because they can féél
The Lovers know the way is unclear, at times dark
That is why you see them walking with their arms stretched out
Feeling their way around
Bumping their shins and heads -
The pain tells them the glorious truth that
They are alive and in lóve
Monday, 11 November 2024
my gedigte is emmers
dit vloed hier by my hart uit
oral sit ek emmers om my heen
dis nie wát ek met die vloed gaan verloor nie
dis dat die vloed kan ophou
darem het ek emmers
wat die bewyse sal opvang
Thursday, 7 November 2024
The lover's heart knows
Sunday, 27 October 2024
terugkeer
die gedagte aan jou
die gedagte aan jou
stoot soos 'n wilde springgety
breek my ribbes in splinters
vandat die fontein van jou mond
Thursday, 24 October 2024
ek is nie jammer
al is ons hoe kwesbaar
die kontrapunt in my lewensfuga
soek alewig na die ontwykende voltooide kadens
die onrus bly
smeul in die smeltkroes
die primordiale gil bly
diep-versonke in my ongekarteerde hart
die heilspellende soeke
hou nie op om binne my borskas te vibreer
die trillings laat my speeksel
in my kieste opdam
die begeerte vir glorieryke seges
bly die bloed wild en wakker uitpêrel soos kwiksilwer
ek is nie jammer dat ek voel begeer en reageer nie
hierdie gedig kan my hart genadeloos vir die wêreld oopspalk
Sunday, 29 September 2024
no one knows
Wednesday, 18 September 2024
Sunday, 8 September 2024
hoekom kom jy nie nader nie?
die stopstrate is in die pad
Friday, 9 August 2024
Lied van die vroue
Voorgedra tydens konsert vir stem, viool en klavier op Vroue-dag
9 Augustus
ons bly loop op die aarde
al is die elemente ongenaakbaar
hoe hulle die vel verteer
ons pols bly diep en sterk
ons wilskrag is onverskrokke
in die stryd teen die skaamte
teen die vrees
teen die vlees
en
teen die donker
die pols van ons voete
gee die aarde rede om te glimlag
ons blaas ons asems oor die pieke van berge
en raak net-net aan die bevryding wat
die kleur van ons bloed elke dag beloof
ons koppe dans oor die duiselige afgrond van die uitdagings
maar ons weet van vasbyt en deurdruk
dit is die hoop en droom van die vrou wat
die gemoed laat bly uitstyg
aha die kuns is waaragtig om
die liefde
die lig
die lag
en die liggaam
met oorgawe te vertrou
dit sal ons vroueskap versterk en
die sterre sal deur ons selle breek
ons moet bly sing in ons wakker en in ons slaap
die smagting sal bedaar
en ons oë sal vanself na die son toe draai
ons stemme sal oprys deur die stilte én die geraas
en almal sal ons hoor!
beskuldig ons van selfvertroue
ons gee nie om
gooi die klokke weg
want ons tonge is die nuwe sekondewysers
pak weg die woordeboeke
want ons hande is aangestel as die nuwe vertalers
dit is nou die tyd om te vlieg
verder en meer volhoubaar as die mees manjifieke voëls
dit is nou die tyd vir vryheid en vrede
wat deur alle vroulikheid sal vuur
ons sal uiteindelik ons waarde op
die kruine van golwe sien feesvier!
Tuesday, 6 August 2024
Thursday, 1 August 2024
no time
no time to get depressed
no time to die
van survival
Saturday, 27 April 2024
kuns van die kleine
elke dag word my hande hergebore
met die saad van 'n oneindige veld
van gebare
*
die kuns van die kleine
is die strewe werd:
een klein tree
is die begin van
die duisend-myl pelgrimstog
*
hier met die woorde
so digby my
voel ek so tuis en geanker
deel van genesing lê
in taal
*
speel spel
spul spaander
spat spalk
spoel spoeg
spuit sprei
sproei spog
spruit
die woordspieëlings
*
drup-drup die dig-druppels
watter grond
gaan hulle natlei
vandag?
*
uit die traankliere van die druppelinge
- motreën -
die stil ekstase van
seëninge
Friday, 16 February 2024
stukkies
blom my oë artisjokke